ألعاب والألغاز - لعبة عالم الحكايات - كبيرة |

ألعاب والألغاز - لعبة عالم الحكايات - كبيرة |

 

لعبة عالم الحكايات لعبة قايمة على الخيال

عاوزة تتواصلي بشكل أفضل مع أولادك؟

تتمني جوزك يقضي وقت حلو كأب مع الأولاد بس مش عارفة إزاي؟

ابنِك بيبهدلك عند الدكتور كل شوية بس وهس ووجع قلب عشان زهقان ومش قادر يقعد ساكت على الكرسي

عمالة تقري وتسمعي في كل حتة أن الشاشات خطر على الأولاد بس مش عارفة إيه ممكن يكون البديل؟

سمعتِ عن فوايد الحكايات للأولاد بس حاسة أن الموضوع صعب أنِّك تقومي بالدور ده؟

نفسك تجمعي شمل العيلة تاني زي زمان، بدل ما بقينا في جزر منعزلة، كل واحد ماسك موبايله أو التابلت ومفيش تواصل حقيقي ووقت بنقضيه سوا!!

 

الحل موجود...

 

لعبة عالم الحكايات 

اللعبة تشمل؛ اللوحة (50 سم × 50 سم) ، 30 بطاقة خطر ، 12 بطاقة أدوات مساعدة ، 1 زهر خشبي ، 5 أحجار ، تعليمات كاملة ، حقيبة ، مكعب كبير لاختيار بيئة القصص

 

 حتحكوا وتعيشوا المغامرة سوا

حتقضوا وقت ظريف جداً سوا وحتتفاجؤا بالإبداع والجمال اللي جوا دماغ أولادكم 

حتتخلصوا من أوقات انتظار كتيرة (زي عند الدكتور، أو في التجمعات العائلية، أو النادي...)، وحتستبدلوا أوقات شقاوة بوقت إبداع وتواصل

 

 

مين فينا مش بيحن لأيام ما كنا أطفال بيتحكي لنا حكايات،

مين فينا مش بيحن لأيام لما كنا بنتجمع في بيت العيلة عشان نلعب السلم والتعبان ولا بنك الحظ ولا حتى كوتشينا

يا سلام على أيام المصايف والذكريات

 

طب ليه منعملش ذكريات جديدة مع أولادنا

بيها نبعدهم شوية عن الشاشات

ونعلمهم بشكل غير مباشر عن طريق الحكايات

 

كلنا بنعشق الحكايات، سواء ده كان في كرتون أو مسلسلات

طيب ليه دايما بنستقبل بس، مش آن الأوان أننا نبدع ونطلق العنان لخيالنا الجميل أنه يسرح ويرسم أحلى السيناريوهات

كام حد فينا وهو بيتفرج على فيلم أو مسلسل بيسبق الأحداث ويقترح نهايات للفيلم أو المسلسل، أكيد ده دليل أن عقلنا وقوة إبداعنا بخير وعشطانة أوي انها تنطلق

 

طيب أهي جت الفرصة مع لعبة الحكايات، نرسم أحلى السيناريوهات

حنلعب في البحر وفي الفضاء وفي الأدغال وفي السيرك المتنقل وفي أماكن تانية كتيرة من اختياركم

حنبني حكايتنا بنفسنا ونزود في التفاصيل زي ما نحبها تكون

حنفرح الطفل اللي جوانا ونعيشه هو كمان روح المغامرة مع كل حكاية حنحكيها

 

أنا آيات نصار قصاصة وصاحبة صفحة عالم الحكايات، بحب الحكايات جدا وعالم الكرتون وكل شئ متعلق بالصوت من صغري، لقيت في عالم الحكايات والكرتون البساطة والصدق، لقيت كمان الحياة سهلة وواضحة بحيث الرسالة بتوصل للمشاهد اللي هو الطفل بكل وضوح. وبما أن جوة كل واحد فينا طفل فحبيت أكمل حلم الكرتون معاكم وأعمل صفحة نعيش فيها بخيالنا وأحلامنا. أتمنى تستمتعوا معايا وتلاقوا أن الرحلة دي ممتعة بجد...

 

ابني تيم عمره 5 سنين بيعشق الكرتون جدا زيي بالضبط، بس الفرق أني بتفرج وبخلص هو بيتفرج ومكمل جوا الأحداث مش بيخلص، وبيعيش في الأحداث حتى واحنا بنذاكر وبنعمل الواجب 

 

الواجب البسيط اللي مياخدش 10 دقايق بنفضل نعمل فيه 3-4 ساعات عشان دماغنا مليانة حواديت كتيييييييييير من الكرتون. ففكرت أعمله لعبة تفضي دماغه شوية وتديله تحديات يفكر ويبتكر في حلول وبالتالي أساعد في بناء شخصيته بدل ما هو أسير للي بيتفرج عليه وبس 

 

ومن هنا جت اللعبة. لعبتنا مبنية على الخيال وأنه يعيش المغامرة بتعلي أوي جودة الوقت اللي الطفل بيقضيه مع باباه أو مامته، بتعلمه حل المشكلات وإتخاذ القرارات، الخيال والتخيل والإبداع، مهارات الاستماع، ومهارات العرض، بتقوي الذاكرة وبتقوي الذكاء اللغوي والبصري والاجتماعي، بتعلم الطفل أن أي مشكلة ممكن تتحل بسهولة وأكيد ده بيزود ثقته في نفسه.

فبقت حافز لينا أننا نخلص الواجب بسرعة عشان نلعب بيها ونحكي ونعيش المغامرة. وكمان شوية شوية ابعده عن الشاشات اللي بقى مدمنها وأخلي دماغه تشتغل شوية بدل ما هي بتستقبل بس.

 

أحلى حاجة فيها أنها خفيفة ونقدر نتحرك بيها في أي حتة، ففكرة أننا ناخدها في أي مكان فيه انتظار كتير زي عند الدكتور بدل ما نستنى دورنا ساعتين ونتشاقى لا قاعدين هاديين بنقضي وقت ظريف ومستمتعين. 

 

كتابة تعليق

الرجاء الدخول أو التسجيل لكي تتمكن من تقييم المنتج
  • مشاهدات: 1744
  • النوع : Large
  • حالة التوفر : متوفر
  • التسليم في: Sunday 17 Nov
  • الحالة: جديد
  • EGP 250

عن البائع

عالم الحكايات مع آيات

Experience
(0/5)

إجمالي المنتجات 5

ضمان فالينو

احصل على المنتجات المطلوبة او استرد ما تم دفعه